Gatz Eguna 2023

Gatzagak 30 urte inguru daramatza ondare horri balioa ematen. Produktuari eta bere ekoizpenari eta gatz kultura honi zabalkundea emateko Gatzaren Eguna antolatzea erabaki zen duela 7 urte. Gaur egun 0 kilometroko gatza ekoizten da herrian, Eusko Label kalitatekoa

Datorren igandean, urriak 22an, Gatz Eguna egingo da Debagoeineko Leintz Gatzaga herrian. Bere zazpigarren edizioa  izango da aurtengoa.

Egun hau antolatzearen helburua da Gatzaga herriak duen ondarea balioan jartzea.  Antzina, herriak duen iturburu gaziak garapen ekonomikoa ekarri zion herriari eta bertan gatz-kultura gararazi zuen. Herriaren sorrera ere gatzak ekarri zuen.

EGITARAUA

  • Gatzaren eta produktu ekologikoen AZOKA
  • Zurezko PLAZA JOKOAK publiko ororentzako.
  • MENDI IBILALDI gidatuak (aurrez izen eman). Bi aukera: ‘Gatz kulturak eman digun paisaia eta bioaniztasuna’ eta ‘Gatzaga hegoaldeko pagadiak eta tontorrak’.
  • Baso bainua (aurrez izen eman).
  • Sukaldaritza-tailerra, publiko orori zuzendua baina batez ere familiek parte har dezaten pentsatua.
  • Landare-KONTSULTATEGIA Jakoba Errekondorekin
  • GORPUZTU GATZA (denontzat): irudikatu, sortu, konposatu eta antzezteko TAILER IREKIA

 

Horrez gain,

  • Bisita gidatuak eta gatz xaboiak egiteko tailerra GATZ MUSEOAN (aurrez izen eman).
  • Hanburgesa postua herriko gurasoen elkartearen eskutik, plazan
  • Pintxo eta edariak eskainiko dituzte Gatz Museoan Jubilatuen elkarteak

ORDUTEGIAK

10:00etatik 14:00etara, Gatzaren eta produktu ekologikoen AZOKA

11:00etatik 14:00etara, Zurezko PLAZA JOKOAK.

10:00etan, MENDI IBILALDI gidatuak. Bi aukera izango dira: ‘Gatz kulturak eman digun paisaia eta bioaniztasuna’ eta ‘Gatzaga hegoaldeko pagadiak eta tontorrak’

11:00etan, Baso bainua.

11:00etan  Show cooking. Sukaldaritza tailerra familientzako.

12:00etan,  Jakoba Errekondo. Landare-KONTSULTATEGIA

Goizean zehar,  GORPUZTU GATZA antzerki tailerra

 

Eta GATZ MUSEOAN

Bisitak: ( eusk) 11:00, 12:00, 13:00; (gazt) 11:30: 12:30; 13.30

Gatz xaboia egiteko tailerra: 11:00etan

 

MODU JASANGARRIAN ETORTZEKO AUKERA

Garraio kolektiboa

Egun horretan autobus zerbitzu  batek lotuko ditu Aretxabaleta-Eskoriatza eta Leintz-Gatzaga, 10:00ak eta 14:00ak bitarte.

Oinez iritsi

Gatz Bidea (PR-100) erabiliz etortzeko aukera ere egongo da egun horretan, Eskoriatzatik abiatuz

Aukera hau erabiliz gero, gogoratu Gatz Bidea landa eremutik igarotzen dela eta bertako itxiturak errespetatu behar direla.

Hona hemen ibilbidea ikusteko esteka

 

Gatz Eguna Debagoiena Mankomunitatearen, Gatzagako udaletxearen eta Debagaraia Landa Garapenerako Elkartearen elkar lanaren bidez antolatu da.  Eta Gipuzkoako Foru Aldundiaren Mugikortasun, Turismoa  eta Lurralde Antolaketa Departamentuaren nahiz Eusko Jaurlaritzaren Turismo Merkataritza eta kontsumo Sailaren eta Ekonomia Garapen, Jasangarritasun eta Ingurumen Sailaren babesa jaso du.