Irailaren 17tik 22ra izango da aurten Aretxabaletako tomatearen bigarren astea. Gogoratu iaz antolatu zela bigarren aldiz.

Debagoieneko Mankomunitateko Turismo Sailak, Deba Garaia Landa Garapen Elkartea,  Aretxabaletako udala dira jardueraren antolatzaileak eta jarduera garatzeko Eusko Jaurlaritzako Turismo Sailaren eta Gipuzkoa Foru Aldundiko Turismo Sailaren laguntza ere jaso da.

Bertako produktuak oinarri moduan hartuta gastronomia turismoa bultzatu nahi da eta ekitaldiak antolatzea ezinbestekoa da eragile desberdinak lankidetzan oinarrituta.

Egitaraua irailaren 18an jarriko da martxan eta hitzaldi-dastatzea  antolatu da ondorengo izenburuarekin: Aretxabaletako tomatea: erakusketa, dastaketa eta ekoizleen topaketa.

Irailaren 20an haziak lortzeko tailerra egingo da eta irailaren 22an tomatearen inguruko azoka bereziaren barnean Jakoba Errekondoren landare kontsultategia egongo da Durana kalean.

Gaineraortu lehiaketa eta tomatearen erakusketa popularra antolatu dira eta sariak irailaren 22an banatuko dira.

Bertako tomatea dastatzeko aukera ere izango da herriko taberna eta jatetxeetan eta beste zenbait ekintza ere antolatu, hemen egitarau osoa.

Informazio gehiago eta aurrez izena emateko:

turismo@debagoiena.eus   94379 64 63  www.turismodebagoiena.eus

Zer egin: Debagoienean (1)